گنه باشلانـــدی گلین زیل وبمین چالدی سازیم

سیزلایان قلبیمی گل گور نه گونه سالدی سازیم

دئشدی هرپرده ســــی بیر یارامی مین یارالادی

دئدیم حتما هاواسین سینه ده درس آلدی سازیم

گوردو زیلدن زیلیمیش کـــــونلومون اوز کهنه سازی

ایشیدن کن سه سینی والله هی مات قالدی سازیم

ایندی آهیسته چئکیر مضرابــــــــــی تئللر باشینه

بیلدی هجرانده سینه م چوخ یارادی خالدی سازیم

هرسیمین ناله سیله ناله مه طوفان قوشولور

بونه طالع بو نه یازغی بونیجه فالدی سازیم؟؟!

یانما یانسان یانارام عالمــــــــه اوت پایلار اوتوم

ایندی بیلدین شاعیرین عالمی نه حالدی سازیم؟؟

چال "اونوتماز"اریسین داغلاریـــــن او شاختا بوزی

چون کی عشقین یولونی بیلدی یاماج یالدی سازیم

باشیمدن دولانان گور نه هاوادی 

برکت اوندادی درده داوادی

یقین بیللم اوزو بتر آقادی 

                                      آقالار آقاسی امام رضادی

اوجالمیش گویلره شوخ قامتی وار 

یازیلمیش تاریخه اصالتی وار 

حقین ائسته گینه رضایتی وار 

                                 اوندان اوترو آدی امام رضادی 

آلله وئردیگینه شکر  ائدن انسان

گئجه گوندوز تسبیح ذکر ائدن انسان

درین محبته فکر ائدن انسان 

                                ذهنیندن دولانان امام رضادی