گنه باشلانـــدی گلین زیل وبمین چالدی سازیم

سیزلایان قلبیمی گل گور نه گونه سالدی سازیم

دئشدی هرپرده ســــی بیر یارامی مین یارالادی

دئدیم حتما هاواسین سینه ده درس آلدی سازیم

گوردو زیلدن زیلیمیش کـــــونلومون اوز کهنه سازی

ایشیدن کن سه سینی والله هی مات قالدی سازیم

ایندی آهیسته چئکیر مضرابــــــــــی تئللر باشینه

بیلدی هجرانده سینه م چوخ یارادی خالدی سازیم

هرسیمین ناله سیله ناله مه طوفان قوشولور

بونه طالع بو نه یازغی بونیجه فالدی سازیم؟؟!

یانما یانسان یانارام عالمــــــــه اوت پایلار اوتوم

ایندی بیلدین شاعیرین عالمی نه حالدی سازیم؟؟

چال "اونوتماز"اریسین داغلاریـــــن او شاختا بوزی

چون کی عشقین یولونی بیلدی یاماج یالدی سازیم