زیتون ای یاشیل دوندا گییان سبزبهاریم

ای منیم چوللره یاریم

سویله سن طارمی آباد ایده جک سـان

بوائلین باشینه سن بیل

بیر یاشیل شال ساله جاقسان

کندیمین دورینه اطرافینه دای سن دوله جاقسان

ائلیمین آدینی ائللرده اوجا سن ائده جاقسان

زیتون ای یاشیل دوندا گییان سبز بهاریم

ای منیم نقش ونگاریم

ای منیم بازو بیلگلرده اولان پیشه وکاریم

قوی هله جیرماق آتیم چوللری یاریم

سوپوروم بیر سو سه پیم

ایله شه سن کیمی یاریم

گیده بیگانه و یادیم

زیتون ای یاشیل دوندا گییان سبز بهاریم.

سارالمیش چوللره بیر یاخشی باغ اولدون

دره اولدون سره اولدون داغ اولدون

گئچیردین قیشدا بورانی ینی ده گئندا ساق اولدون

گئتیردین شاخه ده باری بیزلره اوزی آغ اولدون

بیر یتیم زولفی یولونموش اوشاغه آتا اولدون دایاغ اولدون

یوخسولون سفره سینه چوره ک اوستونده یاغ اولدون

زیتون ای روضه رضواندان اولان تانری یاراتمیش.

آخی سان گور نه عجایب یارانیبسان

گور نه گوئچک بزه نیبسان

سن ائللره نعمت ویریلیب سان

هر یرده ن کی اکیلیب سان

گووه ریب سان اوجالیب سان

بیر اتک غیرت اولوبسان

جالانیب ائللره دیللرده قالیب سان

نه سولوب سان سارالیب سان

بلکده زولفون دارییب سان

بیزلره قاش گوز آتیب سان

سانکی بیر وعده ویریب سان

گله جکده ن

گله ر او عالمه هادی دینه منادی

اوره کیز قوی ایشیق اولسون

گله جئک اونچو کی سن گوزی یوللرده قالیب سان

گیجه نی صبحه کیمین هی چاغیریب سان

نییه باخیرسان داریخیرسان

گله جئک شاد اولوبان سن گوله جئک سان.

سن اوزون صلح وصفا چین

بیر بویوک مکتب آچیب سان

اونو معنا ایلییب سان

آتین او کین و کدورت

گیتسین اغیاره دولانسین

گئتیرین صلح وصفانی

دییلیب شانیز اوجالسین

آخی سن سوره قرآنده گلیب سان

زیتون ای روضه رضواندان اولان تانری یاراتمیش

زیتون ای روضه رضواندان اولان تانری یاراتمیش

آخی سن سوره قرآنده گلیب سان

          ( اشعاری از شاعر توانمند هزاررودی جناب آقای سید نورالدین شفیعی)