گول لریمیز دای گول آچیب.
موضوعات مرتبط: شعرهای شاعران هزاررودی
هاردا قالیب سن گوزلیم؟!
باغچامیزدا بولبول قاچیب
هاردا قالیب سن گوزلیم؟!
کوچه میزه قار گلیبدیر.
قارتار قارتار یار گلیبدیر
دونیا منه دار گلیبدیر
هاردا قالیب سن گوزلیم؟!
آرپا بوغدا گویلیب گلیر
گوزومده سئل بویلیب گلیر
درد سینمده سویلیب گلیر
هاردا قالیب سن گوزلیم؟!
منله گئجه باخدینآیا
اولدوزلاری سایا سایا
گولدون عکسین دوشدو چایا
هاردا قالیب سن گوزلیم؟!
سحر یئلی اسدی دئدین:
"چایی ده مله" چوره ک یئدین
ساری تومان کوینه ک گئدین
هاردا قالیب سن گوزلیم؟!
رحم ائت منه ائشیدسسی
تئز گلگینن آچ قفسی
اولدورمزدین سن بی کسی
هاردا قالیب سن گوزلیم؟!
فاصیله نی یورگل بیزه
تئل تاراقین وور گل بیزه
بایرام گلیر دور گل بیزه
هاردا قالیب سن گوزلیم؟!
گونش چالیر، شاختا ووروب
اصلی وارکن کرم دوروب
آجی دیلی هجرین یوروب
هاردا قالیب سن گوزلیم؟!
موضوعات مرتبط: شعرهای شاعران هزاررودی
تاريخ : ۱۳۹۱/۱۲/۲۸ | | نویسنده : سلمان ولیمحمدی |