تاپمادیم دردیمه چارا دنیادا

هریاندا جوابیم یوخ اولدی منیم

بیلمیرم من گئدیم هارا دونیادا

قوشولدی ناله مه هر مضراب هر سیم

منیم له آغلیان کیم اولاجاق کیم

من یازیق عمریمی گونش آختاردیم

بو ظلمت دنیادا، قارا دونیادا

غملی گونلریمیز بوتایدا قالیب

عشقیدن منه بیر بوش بایدا قالیب

دونیانین پاراسی اوتایدا قالیب

من هله دویمارام پارا دونیادا

من دردین آلماسام کیمسه لر آلسین

قوی قولون عشقیله بوینومه سالسین

دئدیلر سئوگیلین یاراندی قالسین

بس نیه قالمادی سارا دونیادا؟...