گره ک گئدم بوایل داغده یاشی یام
گوه ن اوسته گول یادیما دوشوبدور
"عظیم اولان" "دوختان یوردی" "پالوتدی"
"گردوو" داکی گول یادیما دوشوبدور
اودون ییغیب اوجاغلاری دولدوران
چوخا دونون چیگنین اوسته چوندوران
آخشام اوستی اوبالاره ییقیلان
قوهوم قارداش ائل یادیما دوشوبدور
سحرچاغی گول اوستونون شه لری
"کرالی نین" او غضبلی مه لری
"آلمالی ده"او سس گلان سئومه لی
سیزیلدایان یل یادیما دوشوبدور
"اسمه میزان" او "گه وننی" "ییمیشان"
چیریش گولی کهلیک اوتی ییمیشان
آنام منه نقیل داستان دانیشان
وای او شیرین دیل یادیما دوشوبدور
"لولیگده" تا من "اوست داشه" چیخدیغیم
"فاتحه ویران" "سوآردیجین" گیتدیغیم
"کاسماندولده" چوخ خاطیره یغدیغیم
انیش یوققوش یول یادیما دوشوبدور
او داغلارده گون قالیغیب باتاندا
چوبان قوزو قویون کهلیک یاتاندا
قاییدیشدا اوبه کوچون چاتاندا
اوبه کوچ کوچ گول یادیما دوشوبدور
"هزاریوردی" "تقی چایی" بولاغلار
هر اوبه ده بیر اوبه یه یولاغلار
ایشیق سالان آتام قالان اوجاغلار
اوجاق داشی کول یادیما دوشوبدور
مه لی شه لی او سازاخلی "موچانه"
گعدیک اوسته او باخدیغیم گیلانه
آی "اونوتماز" او توش گلان چوبانه
"آری داشی" بال یادیما دوشوبدور
(شاعر: آقای سید نورالدین شفیعی)
تاريخ : ۱۳۹۵/۰۷/۲۲ | | نویسنده : سلمان ولیمحمدی |