خالقی: جان دئسم جانانیم جان دئمز منه

چوبان تک وورغونام خان دئمز منه

اوخ اولـــــوب هرسوزو آنناماز منه

نیلییم فیکـــــرینی آتاممیرام من



شفيعي: مندن جان آییردی جان آلدی گئتدی

مندن بیر جوانلیق خان آلدی گئتدی

دوزدی گوزلریمده قان آلدی گئتدی

گئنه دا فیکریمـــــده آتاممیرام من



خالقی: محببـــــــت ایتمادی باشیــمه قاخدی

عومرومون ایلک چاقی ان جاوان واختی

اوتوزدوم دنیامـــــــــی ایتیردیم بختی

زامان دی آختاریب تاپاممیرام مـــــــن



شفيعي: چالین قارمونلاری چــالین کامانی

دولاناخ دنیانی گــــــزاخ زامــــانی

من خسته یه اوندان اولان درمانی

والله اوزگه سینــده تاپاممیرام من



خالقی: اود اولام هجریــن دا قالانام ایندی

بیلمیرم؟قلبینی یـــالانام اینــــــدی

یا دا کی "سنسیز"من تالانام ایندی

سنی اوزگه سینــه قاتاممیرام من



شفيعي: مجنون تــک سالمیشان چوللره منی

آپاردیـــــــــــــن ناتراز یوللــــــــره منی

"اونوتمازام" قاتسان غول لــــــره منی

سنی هیچ کیمسه یه قاتاممیرم من

موضوعات مرتبط: شعرهای شاعران هزاررودی